خلصنا الطلاق
“لأ، إنتِ قريتي أول صفحتين. الورقة الأخيرة أهم واحدة.”
فتحت شنطتي بسرعة وطلعت الملف. قعدت على طرف السر,,ـــــير وبدأت أقلب الورق. وصلت للصفحة الأخيرة. وقفت. قريتها مرة. وبعدين مرة تانية. قلبي بدأ يدق بسرعة.”أستاذ سامح…”
“أيوه.”
“البيت…”
“أيوه.”
“البيت مش ملك أحمد لوحده؟”
سمعت نفس طويل من الناحية التانية.
“بالضبط.”
فضلت ساكتة. قال:
“قبل الجواز بسنة، والد أحمد اشترى البيت وسجله باسم أحمد وباسم والدته ناهد. لكن بعد وفــ,,ـــــاه والده، حصلت تنازلات وتعديلات في الملكية.”
“وده معناه إيه؟”
“معناه إن ناهد مش صاحبة الحق الوحيد اللي كانت بتتكلم بيه.
”
بلعت ريقي.”وأحمد؟”
“أحمد عنده نصيب.”
“والنص التاني؟”
سكت ثانيتين.”إنتِ.”
حسيت إني مش فاهمة.”أنا؟”
“أيوه يا مريم.”
ضحكت من الصدمة.”إزاي؟”
قال:
“لأن والد أحمد كان عامل لكِ تنازل رسمي قبل وفاته، كنوع من رد الجميل عن مبلغ ساعدتي بيه الأسرة وقت الأزمة اللي حصلت لهم قبل الجواز.
”
افتكرت فجأة. من سبع سنين. قبل ما أتجوز أحمد بشهور. كان والده داخل في أزمة مالية كبيرة بسبب محل الأدوات الكهربائية اللي كان بيشتغل فيه. وأنا وقتها كنت شغالة، وكان معايا مبلغ كنت موفراه. أحمد طلب مني أساعدهم. وأنا ساعدتهم. بس عمرهم ما قالولي إن المبلغ اتسجل في أي ورق.
كنت فاكرة إنهم رجعوهولي بعدين. طلعوا ما رجعوش حاجة. أو يمكن رجعوا جزء صغير. قال سامح:
“والد أحمد سجل التنازل وقتها، لكن ناهد حاولت بعد وفاته تتعامل كأن الورقة مش موجودة.”
“وأحمد كان عارف؟”
سكت.”أستاذ سامح.
.. أحمد كان عارف؟”
قال:
“للأسف، أيوه.”
قفلت عيني. فجأة كل حاجة بقت مفهومة. سكوته. نظراته. خوفه. طردهم السريع ليا. إصرار ناهد إن النهارده بالذات لازم أخرج. مش عشان يبدأوا صفحة جديدة. عشان كانوا عايزين أخرج قبل ما أعرف حقي. قلت:
“والورقة دي اتثبتت رسمي؟”
قال:
“أيوه.”
“يعني لو أنا طلبت حقي…”
قاطعني:
“هتاخديه لو الإجراءات اكتملت بالشكل الصحيح.”
سكت شوية. وبعدين قلت:
“طب والحفلة؟”
ضحك ضحكة خفيفة.”حفلة إيه؟”
“حفلة أحمد وسارة.”
قال:
“مريم، دي مش مشكلتك.”
بصيت قدامي.”لا.”
سكت.”يمكن بقت مشكلتهم هم.
”
قفلت المكالمة. قعدت على السر,,ـــــير وقت طويل وأنا مش قادرة أتحرك. كنت لسه من ساعات واقفة قدام البيت والشنط على الرصيف. ناهد كانت بتبصلي كأني ولا حاجة. وأحمد كان ساكت. كلهم كانوا فاكرين إنهم خلصوا مني.
